Almaniya Prezidenti Azərbaycana rəsmi səfərə gəlib

Frank-Valter Ştaynmayer bundan əvvəl Ermənistanda olub

Oxuma müddəti:

1 dəqiqə

Almaniya Federativ Respublikasının Prezidenti Frank-Valter Ştaynmayer aprelin 1-də Azərbaycan Respublikasına rəsmi səfərə gəlib.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Almaniya Prezidenti Frank-Valter Ştaynmayeri hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər qarşılayılar.

Almaniya Prezidenti Bakıda cəmi bir gün qalacaq. Bu müddət ərzində o, aşağıdakı tədbirləri planlaşdırır:

• Şəhidlər xiyabanını ziyarət etmək;
• Azərbaycan Prezidenti İlham Əliyev və birinci xanım Mehriban Əliyeva ilə görüş;
• Azərbaycan Prezidenti İlham Əliyevlə danışıqlar və birgə mətbuat konfransı;
• İçərişəhərdə gəzinti;
• Xristian, müsəlman və yəhudi dini liderləri ilə dinlərarası anlaşma və tolerantlıq mövzusunda müzakirələr;
• Qadınların vəziyyəti haqqında söhbət.