ANS Press

ANS Press

Nov 14, 2023 - 11:10 Yeniləndi: Nov 14, 2023 - 11:21

XƏBƏRLƏR / Mədəniyyət

Ankarada Şuşa mədəniyyət günləri

Bu barədə Şuşa Dövlət Qoruğu İdarəsi məlumat yayıb

Ankarada Şuşa mədəniyyət günləri

  • Oxuma müddəti:

    1 dəqiqə

    • TÜRKSOY-un baş ofisində Şuşa Şəhəri Dövlət Qoruğu İdarəsi və TÜRKSOY-un birgə təşkilatçılığı ilə “Ankarada Şuşa mədəniyyət günləri” tədbirinin açılış mərasimi keçirilib.

    Tədbirdə Azərbaycan Respublikasının Şuşa rayonunda xüsusi nümayəndəsi Aydın Kərimovla bərabər, TÜRKSOY-un baş katibi Sultan Raev, Azərbaycan Respublikasının Mədəniyyət naziri Adil Kərimli, Azərbaycan Respublikasının Türkiyə Respublikasındakı səfiri Rəşad Məmmədov və digər rəsmilər iştirak ediblər. 

    Qarabağın incisi olan tarixi Şuşa üçün çox mühüm əhəmiyyət kəsb edən tədbirdə çıxışı zamanı Aydın Kərimov  2023-cü il ərzində Şuşa şəhərinin Türk xalqlarının mədəniyyətini, zəngin tarixini əks etdirən bir çox tədbirlərə ev sahibliyi etdiyini diqqətə çatdırıb.

    Tədbirdə şuşalı rəssamların Şuşanın tarixini, özünəməxsus təbiətini, gözəlliyini özündə əks etdirən rəsm əsərləri nümayiş olunub, muğam ifaçılarının ifasında Qarabağımıza həsr olunmuş zəngin musiqilər səsləndirilib.