ANSTV
ANSÇM
Arayikin “səbr kasası" dolub
O, Putinə məktubunda yeni təxribatların anonsunu verib
1 dəqiqədən az
Qarabağdakı erməni separatçılarının rəhbəri Arayik Arutyunyan Rusiya Prezidenti Vladimir Putinə məktub ünvanlayıb.
Bu barədə “Hraparak” nəşri məlumat yayıb.
Məktubun tam mətni ictimaiyyətə açıqlanmasa da, bəzi nüanslar diqqətə çatdırılıb. Belə ki, Arayik Putinə məktubunda Qarabağdakı Rusiya sülhməramlılarının fəaliyyətinə toxunub, belə bir missiyanın davam etdirilib-etdirilməyəcəyi sual olunub.
Bildirilib ki, sülhməramlılar Qarabağda vəziyyəti nəzarətdə saxlamaq və Laçın-Xankəndi yolunu açmaq niyyətində deyillərsə, qondarma rejimə ətraflı məlumat verilməlidir.
"Əldə etdiyimiz məlumata görə, məktub kifayət qədər sərt tonda yazılıb", - “Hraparak”ın xəbərində deyilir. Bundan başqa, Arayik Arutyunyan həddini aşaraq, “səbr kasaları”nın dolduğunu qeyd edib və yeni təxribatların anonsunu verib.
