Araz çayı stansiyalarının yeri barədə razılıq əldə olundu

Bu barədə İRNA xəbər yayıb

Oxuma müddəti:

1 dəqiqə

İran və Azərbaycan ekspertləri Xudəfərin və Qızqalası bəndlərinin yuxarı və aşağı axınında hidrometrik stansiyanın (sıxlığın ölçülməsi) yerləşmə ərazisinə baş çəkdikdən sonra yaxın bir ay ərzində Araz çayı hidrometrik stansiyalarının yekun yerlərinin müəyyən edilməsi üçün qrafikin hazırlanması barədə razılığa gəliblər.

İRNA-nın İran Regional Suları İdarəsinin ictimai əlaqələr üzrə bölməsinə istinadən verdiyi xəbərə əsasən, İran İslam Respublikası və Azərbaycan Respublikasının ekspert və mütəxəssisləri sərhədçilərin iştirakı ilə Qızqalası bəndi iş yerində baş tutan iki günlük görüşdə Araz çayı üzərindən hidrometrik stansiyaların müəyyən edilməsi, həmçinin iki ölkə arasında Kəlalə-Ağbənd müştərək körpü tikintisi sexi ilə bağlı ortaq ərazinin təhvil verilməsi məsələlərini müzakirə ediblər.

İkinci gün ekspertlər iki ölkə arasında strateji körpünün tikintisinə aid birgə sexin yerləşəcəyi ərazi ilə tanış olublar, birgə iclasda sexin yeri körpünü inşa edən podratçıya təhvil verməklə yanaşı, tikiləndən sonra çayın yuxarı və aşağı axınının necə bərpa olunacağını da vurğulayıblar.