Astanada Türkiyə və Rusiya prezidentlərinin görüşü başlayıb

17:00

Rusiya prezidenti Putinlə türkiyəli həmkarı Ərdoğan arasında ŞƏT çərçivəsində danışıqlar başa çatıb.

Liderlərin söhbəti bir saata yaxın davam edib.

***

16:25

Vladimir Putin: Keçən il Türkiyəni 7 milyon rusiyalı turist ziyarət edib. Onlara göstərilən qonağpərvərlik və yaratdığınız şərait üçün təşəkkürümüzü bildiririk. 

Putin Ərdoğana mütləq Türkiyəyə səfər edəcəyini bildirib.

Rusiya prezidenti qeyd edib ki, dünyada mövcud vəziyyətin bütün çətinliklərinə baxmayaraq, Rusiya Federasiyası ilə Türkiyə arasında münasibətlər mütərəqqi şəkildə inkişaf edir.

VİDEO

***

16:20

Rəcəb Ərdoğan Vladimir Putinin Türkiyəyə səfərini gözlədiyini bildirib.

Türkiyə liderinin Rusiya Federasiyasının Prezidenti ilə görüşdə verdiyi digər açıqlamalar:

- Türkiyə və Rusiyanın məqsədi 100 milyard dollarlıq ticarət dövriyyəsinə nail olmaqdır;

- Türkiyə Rusiya ilə turizm sahəsində əməkdaşlığı inkişaf etdirəcək;

- Ərdoğan Sinopdakı atom elektrik stansiyası ilə bağlı ciddi addımlar atmaq niyyətindədir;

- Ərdoğan Türkiyənin Akkuyu Atom Elektrik Stansiyasını tez bir zamanda istifadəyə vermək istəyini açıqlayıb.

***

Qazaxıstanın paytaxtı Astanada Türkiyə Prezidenti R.T.Ərdoğanla rusiyalı həmkarı Vladimir Putin görüşüb.

Görüşün mövzuları barədə Rusiya Prezidentinin sözçüsü Peskov məlumat verib. "Putin və Ərdoğan yəqin ki, Ukraynadakı vəziyyəti müzakirə edəcəklər", - deyə Kremlin sözçüsü vurğulayıb.