ATƏT Аzərbaycandakı seçkilər üçün 300 müşahidəçi istəyir
Sentyabrın 1-nə növbədənkənar parlament seçkiləri təyin edilib
![ATƏT Аzərbaycandakı seçkilər üçün 300 müşahidəçi istəyir](/uploads/images/2024/07/rs/image_750x_668ce42d7a3e5-750-1080-resize.webp)
ATƏT-in Demokratik Təsisatlar və İnsan Hüquqları Bürosu (DTİHB) iştirakçı ölkələrdən Azərbaycanda növbədənkənar parlament seçkiləri üçün 300-dən çox müşahidəçi istəyib.
Diplomatik mənbələrin məlumatına görə, uzunmüddətli missiya üçün 30, qısamüddətli missiya üçün 280 müşahidəçi istənilib.
Qeyd edək ki, Prezident İlham Əliyev iyunun 28-də altıncı çağırış Milli Məclisin buraxılması və Milli Məclisə növbədənkənar seçkilərin təyin edilməsi haqqında Sərəncam imzalayıb. Sərəncamla sentyabrın 1-nə növbədənkənar seçkilər təyin edilib.