ANSTV
ANSÇM
Avropa Komissiyası "Rusiya qazı" şayiələrinə son qoydu
Tim Makfi Rusiya qazının Azərbaycan ərazisindən tranziti ilə bağlı iftiraları qətiyyətlə təkzib etdi
1 dəqiqə
Avropa Komissiyası Rusiya qazının Azərbaycan ərazisindən tranziti ilə bağlı şayiələri təkzib edib.
Avropa Komissiyasının gündəlik brifinqində jurnalistlər Avropa Komissiyasının iqlim və enerji məsələləri üzrə nümayəndəsi Tim Makfidən Rusiyanın Azərbaycan qazının Aİ-yə idxalından birbaşa və ya dolayısı ilə faydalanması ehtimalını şərh etməyi xahiş ediblər.
AK nümayəndəsi qeyd edib ki, Azərbaycan qazının Gürcüstan və Türkiyə ərazisindən keçərək Aİ-yə axdığı Cənub Qaz Dəhlizi daha geniş milli qaz nəqli sisteminə deyil, yalnız Azərbaycanın qaz yataqlarına bağlıdır, media yazır.
“Buna görə də Cənub Qaz Dəhlizi Rusiya qazını Aİ-yə çatdırmır”, - deyə Tim Makfi qeyd edib.
O, həmçinin vurğulayıb ki, Azərbaycan son iki ildə Rusiyadan öz istehlakı üçün ildə 1 milyard kubmetrdən az idxal edib və ümumilikdə təxminən 24 milyard kubmetr ixrac edir ki, bunun da təxminən yarısı Aİ bazarına gedir.
Avropa Komissiyasının köhnə hesabatlarında qeyd edilir ki, Aİ ölkələri 2023-cü ildə Azərbaycandan təqribən 12 milyard kubmetr qaz alıb ki, bu da 2021-ci illə müqayisədə təxminən 45% çoxdur.
