ANS Press

ANS Press

Feb 13, 2023 - 23:05 Yeniləndi: Feb 13, 2023 - 23:06

XƏBƏRLƏR / Təbiət

Avropada da zəlzələlər baş verir

Bu gün Rumıniya və Serbiyada da yer tərpənib

Avropada da zəlzələlər baş verir

  • Oxuma müddəti:

    1 dəqiqə

    • Rumıniyada 5,3 bal gücündə zəlzələ baş verib

    Avropa-Aralıq dənizi Seysmoloji Mərkəzi Rumıniyada 5,3 bal gücündə zəlzələ qeydə alıb. Tələfat və dağıntılar barədə məlumat yoxdur.

    Rumıniyanın Yerin Fizikasının İnkişafı üzrə Milli Tədqiqatlar İnstitutunun məlumatına görə, zəlzələ saat 16:58-də (Bakı vaxtı ilə 18:58) ölkənin cənub-qərbində, Qorjda, tarixi Olteniya bölgəsində, 13,2 km dərinlikdə baş verib.

    Son 24 saat ərzində Serbiya ərazisində gücü 2 bal olan 5 zəlzələ baş verib.

    Qeyd edək ki, bu gün səhər saatlarında, fevralın 13-də, xüsusilə Xəzər dənizində (maqnitudası 3,4) və Kuril adaları yaxınlığında (5,8) zəlzələlər qeydə alınıb. Fevralın 6-da episentri Türkiyədə olan bir neçə güclü zəlzələ baş verib. O vaxtdan bəri bütün dünyada daha az maqnitudalı zəlzələlər qeydə alınıb - xüsusən də İndoneziya, Gürcüstan və Qazaxıstanda yeraltı təkanlar qeydə alınıb.