ANS Press

ANS Press

Oct 10, 2024 - 14:51 Yeniləndi: Oct 10, 2024 - 15:38

XƏBƏRLƏR / Təbiət

Azad olunmuş ərazilərə müxtəlif heyvanlar buraxılıb

Bunu ETS Nazirinin müavini Vüqar Kərimov ekoloji məsələlər üzrə işçi qrupun iclasında deyib

Azad olunmuş ərazilərə müxtəlif heyvanlar buraxılıb

  • Oxuma müddəti:

    1 dəqiqə

    • Ərazilərdə biomüxtəlifliyin artırılması və ekosistemin bərpası tədbirləri çərçivəsində Cəbrayıl rayonu ərazisinə 33 baş ceyran, Laçın rayonu ərazisinə 5 Şahin quşu, 4 baş Şərqi Qafqaz turu və 10 kəklik quşu, eləcə də Kəlbəcər rayonuna Bezoar keçilərinin reintroduksiyası məqsədilə 3 baş keçi Göygöl Milli Parkının 6-cı kvartalından Murovdağ istiqamətinə buraxılıb.

    Bunu ekologiya və təbii sərvətlər nazirinin müavini Vüqar Kərimov Laçında keçirilən ekoloji məsələlər üzrə işçi qrupun iclasında deyib.

    Onun sözlərinə görə, cari ilin sonunadək daha bir fauna növünün işğaldan azad edilmiş ərazilərə reintroduksiyası nəzərdə tutulur.

    "Həmçinin su bioresurslarının artırılması məqsədilə işğaldan azad edilmiş ərazilərdən axan çaylardan ümumilikdə 1,1 milyondan çox qızılxallı forel və çəki cinsli (ağ amur, ağ qalın alın) balıq körpələri buraxılıb", - deyə o qeyd edib.