"Azəravtoyol"un iki əməkdaşı minaya düşüb həlak oldu

Bu barədə AAYDA-nın mətbuat xidmətinin rəhbəri Anar Nəcəfli məlumat verib

Oxuma müddəti:

1 dəqiqədən az

Bu gün səhər saat 4 radələrində yeni inşa edilən Əhmədbəyli-Füzuli-Şuşa avtomobil yolunun 58-ci km-də Azərbaycan Avtomobil Yolları Dövlət Agentliyinə məxsus və sözügesən yolda çalışan “Howo” markalı yük maşını tank əleyhinə minaya düşüb.

Nəticədə agentliyin iki əməkaşı - 21.11.1970-ci il təvəllüdlü Sadıxov Samir Sabiroviç və 02.05.1965-ci il təvəllüdlü Quliyev Fərhad Hüseynağa oğlu həlak olublar.

Bu barədə ANS Press-ə AAYDA-nın mətbuat xidmətinin rəhbəri Anar Nəcəfli məlumat verib

Faktla bağlı hüquq-mühafizə orqanları tərəfindən müvafiq araşdırma aparılır.

Azərbaycan Avtomobil Yolları Dövlət Agentliyi həlak olanları həlak olanların ailələrinə və yaxınlarına baş sağlığı verir. Allah rəhmət eləsin!