ANS Press
ANSTV
ANSÇM
Azərbaycan neftinin Ceyhandan daşınması bərpa edildi
Bu barədə BP Azərbaycan şirkəti xəbər verir
1 dəqiqədən az
Azərbaycan neftinin Türkiyənin Ceyhan limanından daşınması bərpa edilib. Bu barədə BP Azərbaycan şirkəti xəbər verir. "Bu gün günortadan sonra BTC terminallarında Azərbaycan neftinin tankerlərə yüklənməsi bərpa edilib", - BP-Azərbaycan şirkətinin mətbuat xidmətinin rəhbəri Tamam Bayatlı bildirib.
Fevralın 6-da Türkiyə və Suriyada baş verən dağıdıcı zəlzələlər nəticəsində BTC boru kəmərinin Türkiyədəki operatoru (Botaş International Anonim Şirketi (BIAS)) tərəfindən Ceyhan terminalında tankerlərin yüklənməsi əməliyyatları müvəqqəti olaraq dayandırılmışdı.
Azərbaycandan nefti Bakı-Tbilisi-Ceyhan kəməri ilə Ceyhan terminalına çatdırılır və oradan tankerlərlə dünya bazarına daşınır.
