Azərbaycan Premyer Liqası: Bu gün IX turun daha 2 oyunu var

21:38

 Premyer Liqada IX turun daha bir oyunu keçirilib.

İkinci oyun günündə "Sabah" və "Araz-Naxçıvan" komandaları üz-üzə gəlib. Görüş 1:1 hesablı heç-heçə ilə nəticələnib.

Günün ikinci matçında “Səbail” “ASCO Arena”da “Şamaxı”nı 2:0 hesabı ilə məğlub edib.

"Araz-Naxçıvan" 17 xalla 2-ci, "Sabah" isə 15 xalla 5-ci pillədə qərarlaşıb.

"Şamaxı"ya qalib gələn "Səbail" 7 xalla 7-ci yerdədir. Bölgə təmsilçisi isə 12 xalla 6-cı sıradadır.

Turun açılış matçında “Kəpəz” Tovuzda “Neftçi”yə 4:3 hesabı ilə qalib gəlib. Tura oktyabrın 6-da keçiriləcək 2 oyunla yekun vurulacaq.

***

19:05

Premyer Liqanın IX turun daha bir oyunu keçirilib.

“Səbail” komandası “ASCO Arena”da “Şamaxı”nı qəbul edib. Görüş ev sahiblərinin 2:0 hesablı qələbəsi ilə yekunlaşıb. Qolları Qorka Laruçça və Madi Queta vurublar.

Günün son oyununda “Sabah” öz meydanında “Araz-Naxçıvan”ı sınağa çəkəcək. Saat 19:30-da start götürəcək matçın baş hakimi Cavid Cəlilov olacaq.

Səkkiz turdan sonra muxtar respublika təmsilçisi 16 xalla ikinci, paytaxt klubu isə 14 xalla beşincidir.

Qeyd edək ki, turun açılış matçında “Kəpəz” Tovuzda “Neftçi”yə 4:3 hesabı ilə qalib gəlib. Tura oktyabrın 6-da keçiriləcək 2 oyunla yekun vurulacaq.

***

09:28

Bu gün futbol üzrə Azərbaycan Premyer Liqasında IX turun daha iki oyunu keçiriləcək.

Günün ilk matçında "Səbail" evdə "Şamaxı"nı qəbul edəcək.

"ASCO Arena"da start götürəcək görüş saat 17:00-da başlayacaq.

Ardınca saat 19:30-da "Sabah" "Araz-Naxçıvan" kollektivini sınağa çəkəcək. Qarşılaşma “Bank Respublika Arena”da gerçəkləşəcək.

Azərbaycan Premyer Liqası

IX tur

5 oktyabr

17:00. “Səbail” – “Şamaxı”

Hakimlər: Əliyar Ağayev, Zeynal Zeynalov, Akif Əmirəli, Elvin Bayramov.

VAR: İnqilab Məmmədov.

AVAR: Namik Hüseynov.

Hakim-inspektor: İmanxan Sultani.

AFFA nümayəndəsi: Kifayət Mustafayeva.

"ASCO Arena".

19:30. “Sabah” – “Araz-Naxçıvan”

Hakimlər: Cavid Cəlilov, Kamran Bayramov, Müslüm Əliyev, Rauf Allahverdiyev.

VAR: Rauf Cabarov.

AVAR: Rəhman İmami.

Hakim-inspektor: Rəhim Həsənov.

AFFA nümayəndəsi: Zümrüd Ağayeva.

"Bank Respublika Arena".

Qeyd edək ki, tura sabah keçiriləcək "Turan-Tovuz" - "Zirə" və "Sumqayıt" - "Qarabağ" oyunları ilə yekun vurulacaq.