ANS Press

ANS Press

May 17, 2024 - 11:07 Yeniləndi: May 17, 2024 - 11:15

XƏBƏRLƏR / Siyasət

Azərbaycan və Ermənistan parlamentlərinin spikerləri görüşüb

Sahibə Qafarova və Alen Simonyan Cenevrədə Parlament sədrlərinin VI Ümumdünya Konfransında iştirak edirlər

Azərbaycan və Ermənistan parlamentlərinin spikerləri görüşüb

  • Oxuma müddəti:

    1 dəqiqədən az

    • Cenevrədə Azərbaycan və Ermənistan parlamentlərinin spikerləri Sahibə Qafarova və Alen Simonyan arasında danışıqlar olub.

    2024-cü il mayın 16-da Cenevrədə keçirilən Parlament Sədrlərinin VI Ümumdünya Konfransının Təşkilat Komitəsinin 1-ci İclası çərçivəsində Azərbaycan və Ermənistan parlamentlərinin sədrlərinin ikinci görüşü keçirilib.

    Bu barədə Milli Məclisin Mətbuat və ictimaiyyətlə əlaqələr şöbəsindən xəbər verilib.

      Görüşdə Azərbaycan və Ermənistan arasında aparılan sülh danışıqları fonunda iki ölkənin parlamentlərinin sülh prosesinə necə dəstək verə biləcəyi ilə bağlı məsələlərin müzakirəsi davam etdirilib.

      Görüş konstruktiv atmosferdə keçib. Tərəflər parlamentlər arasında dialoqun davam etdirilməsi barədə razılığa gəliblər.