ANSTV
ANSÇM
"Azərbaycanla münasibətlərimizdə sülh olacaq"
Bunu Rusiya mediasına müsahibə verən Ermənistan prezidenti Vaaqn Xaçaturyan deyib
1 dəqiqə
Hazırda İrəvan və Moskva arasında tərəfdaşlıq münasibətləri yaranıb, Ermənistan Rusiyanın kiçik qardaşı olmaqdan çıxıb, Ermənistan prezidenti Vaaqn Xaçaturyan RTVI-ya müsahibəsində bildirib.
Xaçaturyanın sözlərinə görə, Ermənistan hazırda bütün qonşuları ilə normal münasibətlər qurmağa çalışır.
"Mən də əminəm ki, baş nazir (Nikol Paşinyan - ANSPress) həmişə dediyi kimi, bizim regionda, Azərbaycanla münasibətlərimizdə sülh olacaq. Eyni şey Türkiyəyə də aiddir", - Ermənistan prezidenti deyib.
“Bizim indi Rusiya ilə tamamilə fərqli münasibətlərimiz var - həqiqətən tərəfdaşlıq münasibətləri... Rusiyanın Ermənistana münasibəti böyük və kiçik qardaş kimi deyil, sadəcə olaraq tərəfdaşlıq münasibətləridir.
İrəvan istəyir ki, rusiyalı tərəfdaşlar Ermənistan hakimiyyətinin müstəqil qərarlarını nəzərə alsınlar”, - Xaçaturyan bildirib.
Aİİ və Aİ arasında seçim məsələsinə gəlincə, Xaçaturyan qeyd edib ki, Ermənistan çoxşaxəli iqtisadiyyata malikdir və “biz heç nəyi pozmuruq”.
