ANSTV
ANSÇM
Azərbaycanlı bloger Rusiyaya ekstradisiya edildi
T.Məmmədov dostları ilə birlikdə Sankt-Peterburqda yoldan keçənləri dəfələrlə açıq şəkildə döyüb, baş verənləri videoya çəkib, görüntüləri “Telegram”da paylaşıb
1 dəqiqə
Azərbaycanlı bloger Tural Məmmədov Rusiyaya ekstradisiya edilib.
"Kommersant"ın məlumatına görə, Rusiya Baş Prokurorluğunun tələb etdiyi 18 yaşlı bloger və “Jizn brodyaqi” Telegram kanalının administratoru Cinayət Məcəlləsinin 213-cü maddəsinin 2-ci bəndi (bir qrup şəxs tərəfindən vətəndaşlara qarşı zorakılıq tətbiq etməklə törədilən xuliqanlıq), həmçinin, 282-ci maddə (informasiya və telekommunikasiya şəbəkələrindən istifadə edərək nifrətin qızışdırılmasına yönəlmiş hərəkətlər) ilə məsuliyyətə cəlb olunacaq.
Müstəntiqlər bildiriblər ki, T. Məmmədov dostları ilə birlikdə Sankt-Peterburqun müxtəlif ərazilərində yoldan keçənləri dəfələrlə açıq şəkildə döyüb, baş verənləri videoya çəkib, sonra isə görüntüləri “Telegram”da yerləşdirib.
O, Rusiya hüquq-mühafizə orqanlarından yayındığı üçün məhkəmə barəsində həbs-qətimkan tədbiri seçib. Rusiya Federasiyası Baş Prokurorluğu onu beynəlxalq axtarışa vermişdi.
T.Məmmədov noyabrın əvvəlində Rusiya Federasiyasının tələbi ilə Azərbaycanda saxlanılıb.
