ANS Press
ANSTV
ANSÇM
2 dəqiqə
12:40
Baş nazir Əli Əsədov Neft Emalı Zavodunda yanğın baş vermiş əraziyə gəlib.
O, yanğın baş verən əraziyə baxış keçirib, yanğının söndürülməsi prosesini müşahidə edib.
***
12:12
Bakı şəhəri, Nizami rayonunda yerləşən Neft Emalı Zavodunun ərazisindəki yanğın tam söndürülüb.
Bu barədə FHN məlumat yayıb.
***
11:32
Bakı şəhəri, Nizami rayonunda yerləşən Neft Emalı Zavodunun ərazisində baş vermiş yanğın Fövqəladə Hallar Nazirliyinin qüvvələri tərəfindən görülmüş zəruri və təxirəsalınmaz tədbirlər sayəsində genişlənməsinə imkan verilmədən qısa müddətdə məhdudlaşdırılıb.
Bu barədə FHN Mətbuat xidmətindən məlumat verilib.
Hazırda yanğının tam söndürülməsi istiqamətində əməliyyat davam etdirilir.
***
10:55
Bakı şəhəri, Nizami rayonunda yerləşən Neft Emalı Zavodunun ərazisində baş verən yanğınla bağlı atmosfer havasında monitorinq-ölçmə işlərinin aparılması üçün Ekologiya və Təbii Sərvətlər Nazirliyinin Ətraf Mühitin Monitorinq Mərkəzinin mütəxəssisləri əraziyə yollanıb.
Bu barədə ETSN-nin mətbuat xidmətindən məlumat verilib.
***
10:30
Respublika Təcili və Təxirəsalınmaz Tibbi Yardım Mərkəzinə 05.03.2025-ci il tarixində saat 10:00 radələrində Nizami rayonu, Neft Emalı Zavodu ərazisindən yanğın baş verməsi səbəbilə çağırış daxil olub.
Bu barədə TƏBİB-dən məlumat verilib.
Bildirilib ki, çağırış ünvanına 3 təcili tibbi yardım briqadası cəlb olunub.
***
Fövqəladə Hallar Nazirliyinin “112” qaynar telefon xəttinə Bakı şəhəri, Nizami rayonunda yerləşən Neft Emalı Zavodunun ərazisində yanğın baş verməsi barədə məlumat daxil olub.
Dərhal Fövqəladə Hallar Nazirliyinin Dövlət Yanğından Mühafizə Xidmətinin qüvvələri hadisə yerinə cəlb olunub.
Yanğına qərq olmuş Bakı Neft Emalı Zavoduna polis əməkdaşları gəlib.
Daxili İşlər Nazirliyinin mətbuat xidmətindən verilən məlumata görə, hüquq-mühafizə orqanlarının əməkdaşları təhlükəsizliyin təmin edilməsi üçün bütün zəruri tədbirləri həyata keçirirlər.
Hazırda yanğının söndürülməsi istiqamətində tədbirlər görülür.
