"Barselona" "Real Madrid"i darmadağın etdi VİDEO

İspaniya Superkubokunun final matçı Səudiyyə Ərəbistanında baş tutub

Oxuma müddəti:

0 dəqiqə

İspaniya Superkubokunun final matçında "Barselona" "Real Madrid"i 5:2 hesabı ilə məğlub edib.

Görüş Səudiyyə Ərəbistanında baş tutub.

Qaliblər qolları Lamin Yamal (22-ci dəqiqə), Robert Levandovski (36, penaltidən), Rafinya (39, 48) və Alejandro Baldedən (45+10) vurublar. Real Madridin heyətində Kilian Mbappe (5) və Rodriqo (60) fərqlənib. 57-ci dəqiqədə "Barselona"nın qapıçısı Voyçex Şesni qırmızı vərəqə alaraq meydandan qovulub.

Komandalar bu mövsüm ikinci dəfə qarşılaşıblar. Oktyabrın 26-da "Barselona" İspaniya çempionatının 11-ci turunda "Real Madrid"i 4:0 hesabı ilə məğlub edib. 2018-ci il oktyabrın 28-də İspaniya liqasında kataloniyalıların evdə 5:1 hesablı qələbə qazanmasından sonra "Barselona" ilk dəfə "Real Madrid"ə 5 qol vurub.

"Barselona" 15-ci dəfə İspaniya Superkubokunu qazanıb, komanda bu göstəriciyə görə rekordçudur. Real Madrid 13 dəfə kuboku qazanıb. Madrid komandası finalda "Barselona"nı 4:1 hesabı ilə məğlub edərək 2024-cü ildə turnirin qalibi olub.