Blinken Quterreş ilə taxıl müqaviləsini müzakirə edib
Bu barədə Dövlət Departamentinin mətbuat xidmətinin rəhbəri Metyu Miller məlumat verib
![Blinken Quterreş ilə taxıl müqaviləsini müzakirə edib](/resized/750/1080/resize?url=$uploads$images$2023$09$image_750x_65067b8a0bf36.jpg&or=https:$$anspress.com$uploads$images$2023$09$image_750x_65067b8a0bf36.jpg)
ABŞ dövlət katibi Antoni Blinken ilə BMT-nin baş katibi Antonio Quterreş arasında telefon danışığı olub.
Bu barədə Dövlət Departamentinin mətbuat xidmətinin rəhbəri Metyu Miller məlumat verib.
Onun sözlərinə görə, Blinken və Quterreş “bir çox məsələləri, o cümlədən Qara dəniz taxıl müqaviləsini”, Rusiya-Ukrayna müharibəsini və Haitidəki təhlükəsizlik məsələsini müzakirə ediblər.
“Onlar BMT Baş Assambleyasında ABŞ-ın prioritetlərini, o cümlədən BMT Nizamnaməsinin və Ümumdünya İnsan Hüquqları Bəyannaməsinin əsas prinsiplərinə dəstək, 21-ci əsrin çağırışlarına cavab vermək üçün BMT-nin yenilənməsi və BMT-nin Dayanıqlı İnkişaf Məqsədlərinə nail olmaq səylərini müzakirə ediblər”, - deyə o bildirib.