BQXK Bakıdakı ofisini sentyabrın 3-də bağlayacaq

Azərbaycan hakimiyyətinin tələbi ilə Beynəlxalq Qırmızı Xaç Komitəsinin (BQXK) Bakıdakı ofisini sentyabrın 3-də bağlayacaq, bu barədə BQXK-nın Ermənistandakı rəhbəri Dafne Mare bildirib.

"Bəli, təəssüf ki, hakimiyyətin tələbi ilə biz sentyabrın 3-də Bakıdakı nümayəndəliyimizi bağlamalı olacağıq. Lakin bunun bir sıra məsələlər üzərində işləmək imkanlarımızı tükətəcəyinə inanmırıq. Biz itkin düşmüş şəxslərlə bağlı problemin həllinə kömək etmək üçün neytral vasitəçi kimi istənilən rolda xidmətlərimizi təklif etməyə davam edəcəyik. Bu o demək deyil ki, biz Azərbaycan rəsmiləri ilə bir daha heç vaxt əlaqə saxlamayacağıq, yeni yarana bilən iş imkanlarını müzakirə edəcəyik.”, - Mare erməni mətbuatına deyib.

Təşkilatın nümayəndəsi xatırladıb ki, İrəvan və Bakı arasında sülh müqaviləsinin mətnində itkin düşənlərin taleyinə aydınlıq gətirmək üçün beynəlxalq strukturlarla işləmək zərurəti var. Qırmızı Xaç neytral təşkilat kimi öz xidmətlərini təklif etməyə davam edəcək.

Mare həmçinin bildirib ki, BXQK-nın Ermənistanın Gorus şəhərindəki ofisi də ilin sonuna kimi fəaliyyətini dayandıracaq.

O qeyd edib ki, bu gün regionda gərginlik xeyli azalıb və hələ ki, gərginlik əlamətləri yoxdur. Bununla yanaşı, humanitar proqramların maliyyələşdirilməsi ilə bağlı qlobal vəziyyət daha da mürəkkəbləşib və təşkilat yeni şəraitə uyğunlaşmalı olub.

"Hər halda biz ölkəni tərk etmirik. Biz regionda, xüsusən də sərhədyanı ərazilərdə kifayət qədər fəallığımızı davam etdiririk və işləməyə davam edəcəyik", - Mare vurğulayıb.

O qeyd edib ki, Ermənistan kiçik ölkədir, ona görə də İrəvandakı ofisdən sərhəd bölgələrində layihələr həyata keçirmək imkanı qalacaq. BQXK müxtəlif regionlarda proqramları cari ehtiyaclara uyğunlaşdıraraq həyata keçirməyə davam edəcək.