Azərbaycan yığması son oyununda böyük hesabla məğlub oldu

01:40

Azərbaycan yığması UEFA Millətlər Liqasının qrup mərhələsində İsveçə böyük hesabla məğlub olub.

İsveçdə keçirilən matçda komanda C Liqasının I qrupunun son matçında 0:6 hesabı ilə uduzub.

"Stroberri Arena"da baş tutan qarşılaşmada Kulusevski (10, 57) dubl edib. Dyekereş (26,37, 58, 70) isə poker müəllifi olub.

Qeyd edək ki, bu nəticənin ardından C Liqasını 1 xalla sonuncu sırada başa vuran Fernandu Santuşun rəhbərlik etdiyi yığma D Liqasına yuvarlanıb.

***

19.11.2024-cü il

09:14

Bu gün UEFA Millətlər Liqasında qrup mərhələsinə yekun vurulacaq.

VI turun son oyun günündə 9 qarşılaşma keçiriləcək.

A Liqasının 3-cü qrupunda Niderland millisi Bosniya və Herseqovinanın, Almaniya yığması Macarıstanın qonağı olacaq. B Liqasının 4-cü qrupunda yer alan Türkiyə seçməsi səfərdə Monteneqro ilə qarşılaşacaq. “Ay-ulduzlular” A Liqasına yüksəlmək üçün qələbə qazanmalıdır. Hətta bərabərlik də Vinçentso Montellonun komandasına kifayət edə bilər. Amma bunun üçün Uels millisi İslandiya ilə ev görüşündə xal itirməlidir.

Azərbaycan millisinin çıxış etdiyi C Liqasının 1-ci qrupunda da 2 oyun keçiriləcək. Yığmamız səfərdə İsveçlə, Slovakiya isə doğma meydanda Estoniya ilə üz-üzə gələcək.

UEFA Millətlər Liqası, VI tur

19 noyabr

A Liqası

3-cü qrup

23:45. Bosniya və Herseqovina - Niderland

23:45. Macarıstan - Almaniya

B Liqası

1-ci qrup

23:45. Çexiya - Gürcüstan

23:45. Albaniya - Ukrayna

4-cü qrup

23:45. Monteneqro - Türkiyə

23:45. Uels - İslandiya

C Liqası

1-ci qrup

23:45. Slovakiya - Estoniya

23:45. İsveç - Azərbaycan

D Liqası

2-ci qrup

23:45. Malta - Andorra

Qeyd edək ki, noyabrın 22-də UEFA Millətlər Liqasının pley-off mərhələsinin püşkatma mərasimi keçiriləcək. Tədbir İsveçrənin Nyon şəhərində, Bakı vaxtı ilə saat 16:00-da başlayacaq.