XƏBƏRLƏR / İdman

Azərbaycan - Lixtenşteyn qarşılaşmasında hesab açılmayıb

Lixtenşteynlə oyun ərəfəsində Azərbaycan komandasının heyətindən yeddi oyunçu kənarda qalıb

Azərbaycan - Lixtenşteyn qarşılaşmasında hesab açılmayıb
  • Oxuma müddəti:

    1 dəqiqə

  • 22:45

    Azərbaycan yığması UEFA Millətlər Liqasında növbəti oyununu keçirib.

    Komandamız Lixtenşteyn ilə üz-üzə gəlib.

    Görüş Tofiq Bəhramov adına Respublika stadionunda, saat 20:00-da start götürüb.

    Gərgin keçən qarşılaşmada hesab açılmayıb. Oyun 0:0 hesablı heç-heçə ilə yekunlaşıb.

    ***

    20:07


    UEFA Millətlər Liqasının D Divizionunda Azərbaycan və Lixtenşteyn yığmaları arasında keçirilən oyun başlayıb.

    Tofiq Bəhramov adına Respublika Stadionunda təşkil olunan matç saat 20:00-da start götürüb.

    Qarşılaşmanı Avstriyadan olan hakimlər briqadası idarə edir.

    Qeyd edək ki, Azərbaycan millisi qrupdakı ilk matçında səfərdə Litva ilə 1:1 hesablı heç-heçə edib.

    ***

    12:26

    Azərbaycan milli futbol komandasının baş məşqçisi Ayxan Abbasov UEFA Millətlər Liqasının D2 qrupunda Lixtenşteynlə Bakıda keçiriləcək oyun üçün heyətini açıqlayıb.

    Azerisport.com saytı xəbər verir ki, 23 nəfərlik heyətdən yeddi oyunçu kənarda qalıb: Bədəvi Hüseynov, Rahil Məmmədov, Rəhman Daşdəmirov, Mustafa Əhmədzadə, Fərid Yusifli, Ceyhun Nuriyev və Renat Dadaşov.

    Dadaşov zədə səbəbindən oyunu buraxacaq.

    Azərbaycan - Lixtenşteyn matçı bu gün Tofiq Bəhramov adına stadionda keçiriləcək və saat 20:00-da başlayacaq.