"Qarabağ" 12-ci dəfə Azərbaycan çempionu oldu

22:00

"Qarabağ" Misli Premyer Liqasında çempionluğunu rəsmiləşdirib.

Bu, XXXII turun "Sabah"la səfər oyununda reallaşıb.

"Bank Respublika Arena"da keçirilən matçda 1:1 hesablı heç-heçə qeydə alınıb.

Görüşdə hesabı qonaqlar açıblar. 42-ci dəqiqədə Redon Cica penalti zərbəsindən fərqlənib. 73-cü dəqiqədə "status-kvo" bərpa olunub. Boyan Letiç rəqib komandanın qapısına yol tapıb.

Xallarının sayını 77-yə çatdıran Ağdam təmsilçisi qızıl medalları vaxtından əvvəl təmin edib.

Bu nəticənin ardından "köhlən atlar" Premyer Liqada 12-ci dəfə çempionluq sevinci yaşayıb.

"Bayquşlar" 40 xalla beşinci sırada yer alıblar.

Qeyd edək ki, turun əvvəlki matçlarında "Turan Tovuz" evdə "Şamaxı" ilə, "Araz-Naxçıvan" isə səfərdə "Səbail"lə heç-heçə edib - 1:1. "Zirə" isə rəqib meydanında "Kəpəz"ə qalib gəlib - 1:0.

***

09:12

Misli Premyer Liqasının XXXII turunda bu gün daha iki oyun keçiriləcək.

Turun mərkəzi görüşü "Bank Respublika Arena" baş tutacaq.

Saat 20:00-da başlayacaq "Sabah" və "Qarabağ" kollektivlərinin duelində Azərbaycan çempionunun adına aydınlıq gələ bilər. Belə ki, 76 xalla turnir cədvəlinə başçılıq edən Ağdam təmsilçisi bu oyunda məğlub olmayacağı təqdirdə qızıl medalları vaxtından əvvəl özü üçün təmin edəcək.

"Bayquşlar" 39 xalla beşinci sırada yer alıblar.

Günün digər matçında autsayder "Səbail" "Araz-Naxçıvan"ı qəbul edəcək.

"ASCO Arena" keçiriləcək qarşılaşma saat 17:30-da start götürəcək.

53 xalı olan naxçıvanlılar turnir cədvəlində üçüncü sırada qərarlaşıblar. "Dənizçilər" 20 xalla sonuncu - onuncudur.

Misli Premyer Liqası

IV dövrə, XXXII tur

27 aprel

17:30. “Səbail” – “Araz-Naxçıvan”

Hakimlər: Rəşad Əhmədov, Eyyub İbrahimov, Rahil Ramazanov, Elvin Bayramov.

VAR: İnqilab Məmmədov.

AVAR: Namik Hüseynov.

Hakim-inspektor: Ramil Diniyev.

AFFA nümayəndəsi: Elman Musayev.

"ASCO Arena"

20:00. “Sabah” – “Qarabağ”

Hakimlər: Tural Qurbanov, Asiman Əzizli, Rəhman İmami, Əli Əliyev.

VAR: Elçin Məsiyev.

AVAR: Pərvin Talıbov.

Hakim-inspektor: Ömər Paşayev.

AFFA nümayəndəsi: Zümrüd Ağayeva.

"Bank Respublika Arena"

Qeyd edək ki, turun əvvəlki matçlarında "Turan Tovuz" evdə "Şamaxı" ilə heç-heçə edib - 1:1. "Zirə" isə səfərdə "Kəpəz"ə qalib gəlib - 1:0.