ANS Press

ANS Press

Avqust 13, 2026 - 14:56

XƏBƏRLƏR / Qonşular

Bu yaxında Ermənistandan Azərbaycana ixrac olacaq

Bunu Ermənistanın Baş naziri Nikol Paşinyan deyib

Bu yaxında Ermənistandan Azərbaycana ixrac olacaq

  • Oxuma müddəti:

    1 dəqiqədən az

    • Ermənistanın Baş naziri Nikol Paşinyan yaxın gələcəkdə Ermənistandan Azərbaycana ixracın da həyata keçiriləcəyini bildirib.

    Baş nazir bu açıqlamanı hökumət iclasından sonra jurnalistlərlə keçirdiyi brifinqdə  deyib.

    "Çünki Azərbaycan hazırda əsasən Ermənistana ixrac edir, Ermənistan isə Azərbaycana ixrac etmir. "Azərbaycanla qarşılıqlı mal ticarəti üçün gündəm var və yaxın gələcəkdə Ermənistandan Azərbaycana ixrac da həyata keçiriləcək", - deyə Baş nazir Nikol Paşinyan sözügedən malları dəqiqləşdirmədən bildirib.

    Xatırladaq ki, 2026-cı ilin yanvar ayında Ermənistanın Baş naziri Nikol Paşinyan Ermənistan və Azərbaycanın potensial ticarət mallarının siyahısını mübadilə etdiyini açıqlayıb. Bu dövrdə Azərbaycan əsasən Ermənistana benzin və dizel yanacağı ixrac edib.