Bulvarda gəzinti gəmiləri niyə işləmir?
Dənizkənarı Bulvar İdarəsi bunu Xəzər dənizinin səviyyəsinin enməsi və suyun sahildən geriyə çəkilməsi ilə izah edir
![Bulvarda gəzinti gəmiləri niyə işləmir?](/uploads/images/2024/04/rs/image_750x_661d1ed715d08-750-1080-resize.webp)
Hazırda Xəzər dənizinin səviyyəsinin enməsi və suyun sahildən geriyə çəkilməsi ilə əlaqədar Bakı şəhərinin Dənizkənarı Milli Parkında gəzinti gəmiləri müvəqqəti olaraq işləmir
Bu barədə AZƏRTAC-ın sorğusuna cavab olaraq Dənizkənarı Bulvar İdarəsinin mətbuat xidmətindən bildirilib.
Qeyd edilib ki, gəzinti gəmiləri dənizdə suyun səviyyəsinin enməsi ilə əlaqədar 2022-ci ilin oktyabrından fəaliyyətini dayandırıb: “Gəmilər texniki baxışdan keçirilib, heç bir texniki nasazlıq yoxdur. Sadəcə olaraq sərnişinlərin təhlükəsizliyinin təmin edilməsi məqsədilə hazırda gəzinti gəmilərinin işləməsi qeyri-mümkündür”.