Daxili İşlər Nazirliyi sürücülərə müraciət edib

Təcrübəsi az olan sürücülərin buz bağlayan yollarda avtomobil idarə etmələri tövsiyə edilmir

Oxuma müddəti:

1 dəqiqədən az

Daxili İşlər Nazirliyinin əməkdaşları respublikanın avtomobil yollarında hava şəraiti ilə əlaqədar gücləndirilmiş rejimdə xidmət aparır.

Bu barədə DİN-in mətbuat xidmətindən məlumat verilib.

“Sürücülərdən xahiş edirik, sürət həddini hava şəraitinə uyğun tənzim etsinlər, ötmə əməliyyatından və qəfil manevrlərdən çəkinsinlər. Təcrübəsi az olan sürücülərin buz bağlayan yollarda avtomobil idarə etmələri tövsiyə edilmir”, - deyə məlumatda bildirilir.