ANS Press

ANS Press

İyul 13, 2024 - 12:18 Yeniləndi: İyul 13, 2024 - 13:39

XƏBƏRLƏR / Hadisə

Dənizdə batan iki qardaşın meyiti tapıldı

Bu barədə Fövqəladə Hallar Nazirliyindən bildirilib

Dənizdə batan iki qardaşın meyiti tapıldı

  • Oxuma müddəti:

    1 dəqiqədən az

    • İyulun 11-də axşam saatlarında Bakı şəhəri, Xəzər rayonu, Zirə qəsəbəsi yaxınlığında nəzarətsiz ərazidə dənizdə batmış üç nəfərdən ikisinin – 2008-ci il təvəllüdlü Aslanov Amid Asif oğlu və 2009-cu il təvəllüdlü Aslanov Anar Asif oğlunun cəsədi bu gün səhər saatlarında suda tapılaraq aidiyyəti üzrə təhvil verilib.

    Qeyd edilib ki, batdığı ehtimal olunan üçüncü şəxs – 2007-ci il təvəllüdlü Ağayev Ağaşirin Ramin oğlunun axtarış əməliyyatının daha da intensivləşdirilməsi məqsədilə Fövqəladə Hallar Nazirliyi Aviasiya dəstəsinin bir ədəd helikopteri də axtarış işlərinə cəlb olunub.

    Bununla yanaşı, FHN-in Kiçikhəcmli Gəmilərə Nəzarət və Sularda Xilasetmə Dövlət Xidməti və Xüsusi Riskli Xilasetmə Xidmətinin qüvvəlləri də əməliyyatda iştirak edir.