DSX Xəzərdə İrandan narkotik keçirilməsinin qarşısı alıb

İrandan Azərbaycana müxtəlif yollarla narkotik daşınması cəhdləri bitmək bilmir

Oxuma müddəti:

1 dəqiqə

Dövlət Sərhəd Xidmətinin Mətbuat Mərkəzindən verilən məlumata görə, may ayının 3-də saat 12:50-də Dövlət Sərhəd Xidmətinin Sahil Mühafizəsinin texniki müşahidə məntəqəsi tərəfindən Xəzər dənizində İran İslam Respublikasından orta klassik xətti keçərək şimal istiqamətinə hərəkət edən naməlum hədəf aşkar edilmiş və texniki nəzarətə götürülüb.

Sahil Mühafizəsinin texniki müşahidə məntəqəsi və sərhəd gözətçi gəmisinin qarşılıqlı fəaliyyəti nəticəsində Xəzər dənizinin cənub istiqamətində İran İslam Respublikasından qaçaqmalçılıq yolu ilə Azərbaycan Respublikasına narkotik vasitələrin keçirilməsinin qarşısı alınıb.

Astara reydində olan Sahil Mühafizəsinin gözətçi gəmisi tərəfindən Xəzər dənizinin Azərbaycan Respublikasının ərazi sularında sahildən 12 mil məsafədə sənaye üsullu lövbərə bağlanmış bir ədəd kisə aşkar edilib.