Dünya beşdən böyükdür, çünki insanlıq beşdən böyükdür

Türkiyə Prezidenti Rəcəb Tayyib Ərdoğan IV Antalya Diplomatik Forumunun açılış mərasimində çıxışı zamanı deyib:

• Dünya beşdən böyükdür, çünki insanlıq beşdən böyükdür.
• Beynəlxalq ictimaiyyət daha ədalətli və humanist siyasət qura bilmir.
• Biz münaqişədən daha çox dialoqa və qütbləşmədənsə kollektiv müdrikliyə üstünlük verdiyimizi bir daha bəyan edirik.
• Biz təkcə bu bölgənin sakinləri deyilik - biz onun sahibləriyik. Biz min ildir buradayıq, inşallah, hələ çox əsrlər də burada olacağıq.
• Biz zorakılığın deyil, harmoniyanın olduğu bir bölgə görmək istəyirik. Qan, ağrı və gərginlik olmayan, amma rifah olan yerdə - uşaqlarımıza belə bir dünya buraxmağa çalışırıq.
• İsrail cinayətləri qarşısında susmaq şəriklikdir.
• İsrail artıq bir il yarımdır ki, əsas insan haqlarına məhəl qoymur və beynəlxalq hüququ tapdalayır, Fələstin xalqına qarşı açıq soyqırım törədir.
• Hətta müharibədə belə qanuni dövlət belə hərəkət etməməlidir. Bu dövlət terroru deyilmi? İsrail terror dövlətidir.
• Bu zülmə etiraz etmək təkcə qardaş xalqımız qarşısında deyil, həm də insanlıq qarşısında borcumuzdur.
• Heç kimin Fələstin xalqının qəhrəmancasına mübarizəsinə “terrorizm” damğası vuraraq böhtan atmağa haqqı yoxdur.
• 500 il əvvəl biz bu torpaqlarda sürgün edilmiş yəhudi xalqına sığınacaq vermişik. Türkiyə o vaxt necə idisə, bu gün də eynidir.
• Biz münaqişə tərəfləri arasında mehriban qonşuluq münasibətləri və dialoq vasitəsilə ölkə ətrafında sülh və təhlükəsizlik kəməri qurmağa çalışırıq.
• Biz təkcə Suriyada deyil, 8 dekabr inqilabından sonra açılan bütün regionda davamlı sabitlik şansının əldən çıxmasına imkan verməyəcəyik.
• Bizim Suriyadakı dözümlülük və problemləri dialoq yolu ilə həll etmək istəyimiz heç kim tərəfindən zəiflik kimi qəbul edilməməlidir. Sakitlik heç kimi səhv macəralara sövq etməməlidir.
• Nə qədər ki, İsrail Qəzzada dövlət terrorizmini davam etdirir, atəşkəsə nail olmaq səylərini əngəlləyir və mülki əhalinin üzərinə bombalar yağdırır, davamlı sülhdən danışmaq mümkün deyil.
• Kıbrıs türklərinin bərabər hüquqlarının və beynəlxalq statusunun tanınmasına nail olmaq üçün səylərimizi gücləndiririk. Ədalət bərpa olunana qədər bunun üçün çalışacağıq.
• Bir şey aydındır: Avropanın təhlükəsizliyini Türkiyəsiz təsəvvür etmək mümkün deyil. Və biz gələcəkdə bu məsuliyyəti öz üzərimizə götürməyə hazırıq.