ANS Press

ANS Press

Apr 22, 2025 - 07:58

XƏBƏRLƏR / Elm və Texnologiya

Dünyanın ən böyük amfibiya təyyarəsi Çində

Təyyarə iki illik sınaq müddəti keçib

Dünyanın ən böyük amfibiya təyyarəsi Çində

  • Oxuma müddəti:

    1 dəqiqədən az

    • Çinin Mülki Aviasiya Baş İdarəsi dünyanın ən böyük mülki hidrotəyyarəsi olan "Kunlun" AG600M modelinə sertifikat verib. “AVIC” korporasiyası tərəfindən istehsal edilən bu təyyarə nəqliyyat vasitəsi kimi təsdiqlənərək rəsmi olaraq istifadəyə buraxılıb.

    İki illik sınaq müddətində bir neçə “AG600M” təyyarəsi 2 mindən çox uçuş həyata keçirib, 10 mindən çox parametr yoxlanılıb, ümumi uçuş saatı isə 3560 saat təşkil edib. Bu, Çin aviasiyası üçün rekord göstəricidir.

    Bu təyyarənin hazırlanması böyük milli layihə olub, belə ki, 292 müəssisə və 16 universitet bu prosesdə iştirak edib.

    “AG600M” müasir dövrün ən böyük hidro təyyarəsidir. O, 12 tonadək su daşıya və 4500 kilometrədək məsafəyə uçuş edə bilir.