ANSTV
ANSÇM
Əliyevlə Paşinyan planlaşdırılandan tez görüşə bilər?
Bu barədə Ermənistan Təhlükəsizlik Şurasının katibi Armen Qriqoryan bildirib
1 dəqiqə
Azərbaycan prezidenti İlham Əliyevlə Ermənistanın baş naziri Nikol Paşinyan arasında iyulun 21-nə planlaşdırılan görüş daha əvvəl baş tuta bilər, Ermənistan Təhlükəsizlik Şurasının katibi Armen Qriqoryan bildirib.
“Ola bilsin ki, Brüsseldə bu görüş iyulun 21-dən xeyli tez baş tutsun”, – Qriqoryan “Amerikanın Səsi” radiostansiyasına müsahibəsində deyib.
Qriqoryanın sözlərinə görə, Ermənistanla Azərbaycan arasında Brüssel, Moskva və ya Vaşinqtonda aparılan danışıqlar “bir-birini tamamlayır”.
"Danışıqların gündəliyi, müzakirə olunan məsələlər, demək olar ki, eynidir. ABŞ-ın regionda iştirakı isə sabitliyin təmin olunmasına kömək edir və biz ABŞ-ın danışıqlarda iştirakını vacib hesab edirik, çünki Vaşinqton çox böyük işlər görür. danışıqların irəliləməsi üçün səylər göstərir”, - Qriqoryan qeyd edib.
Azərbaycan tərəfi bu barədə heç bir məlumat verrməyib.
