Romada İran-ABŞ danışıqları başlayıb YENİLƏNİB

Bu barədə İran mənbələri məlumat yayıb

Oxuma müddəti:

1 dəqiqə

16:11

Romada İran və ABŞ arasında nüvə proqramı üzrə danışıqların beşinci raundu başlayıb.

Bu barədə İran mənbələri məlumat yayıb.

Danışıqlar Omanın Romadakı səfirliyində keçirilir.

Qeyd edək ki, İran-ABŞ danışıqlarının əvvəlki raundları İtaliya və Omanda keçirilib.

Danışıqlara İran tərəfdən xarici işlər naziri Abbas Əraqçi, ABŞ-dan isə Prezidentin xüsusi nümayəndəsi Stiv Uitkoff rəhbərlik edir.

İran-ABŞ danışıqlarının 4-cü raundundan sonra Stiv Uitkoff bildirib ki, ABŞ İranda uranın bir faiz belə zənginləşdirilməsini qəbul etməyəcək. İran XİN rəhbəri Abbas Əraqçi buna cavab olaraq bildirib ki, razılıq əldə olunub-olunmasa da, uranın zənginləşdirilməsinə dəfələrlə qadağa qoyulmasına baxmayaraq, Tehran bu prosesi davam etdirəcək.

***

11:18

İranın xarici işlər naziri Abbas Əraqçi Omanın vasitəçiliyi ilə ABŞ-la İranın nüvə proqramı üzrə dolayı danışıqların beşinci raundunda iştirak etmək üçün Romaya səfər edib.

Bu barədə İran Xarici İşlər Nazirliyi məlumat yayıb.