ABŞ SEPAH-ın yalanlarını bir-bir təkzib etdi

21:40

ABŞ-ın Mərkəzi Komandanlığı (CENTCOM) SEPAH-ın mediasında yayılan məlumatları bir-bir təkzib edib:

Son bir neçə saat ərzində İranın dövlət mediası İslam İnqilabı Keşikçiləri Korpusunun (SEPAH) yalan iddialarını, xüsusən də üç iddianı yayımlamağa davam edib.

BİRİNCİ İDDİA: SEPAH (yenə də) Hörmüz boğazından keçən sərbəst və açıq marşrutların kommersiya gəmiləri üçün təhlükəli olduğunu iddia edir.

FAKT: Ticarət gəmiləri və onların mülki heyətləri üçün birbaşa təhlükələr İİKK-nın şifahi təhdidləri və hücum cəhdləridir.

İKİNCİ İDDİA: İİKK iddia edir ki, İranın Amerika hava bazasına son hücumu zamanı üç ABŞ F-35 gizli qırıcısı və daha üç təyyarə məhv edilib.

FAKT: İranın son hücum cəhdlərində heç bir ABŞ təyyarəsi məhv edilməyib və ya zədələnməyib. Bütün raketlər və dronlar ələ keçirilib və ya hədəfə alınan ərazilərə çata bilməyib.

ÜÇÜNCÜ İDDİA: İranın dövlət mediası M/T Nora kommersiya neft tankerinin ABŞ blokadasını yardığını bildirir.
FAKT: Ticarət gəmisi Amerikanın polad divar blokadasını yarmayıb. 20-dən çox ABŞ hərbi gəmisi, yüzlərlə təyyarə və minlərlə hərbçi sayıqlığını qoruyur və blokadanı tam şəkildə tətbiq etməyə davam edir.

***

15:42

SEPAH İordaniyadakı Əl-Əzraq Hava Bazasına edilən hücumun görüntülərini yayımlayaraq, F-35 təyyarələrinin məhv edildiyini və zədələndiyini iddia edib.
"ABŞ-ın Qəşm adasına hücum cinayətinə cavab olaraq İordaniyadakı Əl-Əzraq Hava Bazasında üç F-35 təyyarəsi məhv edilib və daha üçü zədələnib", - deyə İran bildirib.

ABŞ Mərkəzi Komandanlığı (CENTKOM) məlumatı hələ şərh etəyib.