ANSTV
ANSÇM
Ərdoğan “Akkuyu”nun açılışına onlayn qatılacaq
Bu barədə hakim Ədalət və İnkişaf Partiyasının sədr müavini Erkan Kandemir məlumat yayıb
1 dəqiqədən az
Türkiyə Prezidenti Rəcəb Tayyib Ərdoğan bu gün keçirilməsi planlaşdırılan "Akkuyu" atom elektrik stansiyasının açılış mərasimində videokonfrans formatında iştirak edəcək. Bu barədə hakim Ədalət və İnkişaf Partiyasının sədr müavini Erkan Kandemir məlumat yayıb.
Onun sözlərinə görə, Mersində keçirilməli olan mitinq təxirə salınıb.
Açılış mərasimində Rusiya Prezidenti Vladimir Putin də onlayn formatda iştirak edəcək.
Xatırladaq ki, aprelin 25-də Ərdoğanın yerli telekanallara müsahibəsi zamanı halı pisləşib. "Kanal 7" və "Ülke TV" kanallarının birgə canlı yayımı zamanı o, jurnalistin sualını cavablandırarkən canlı yayım kəsilib və reklama keçid edib. 20 dəqiqə fasilədən sonra müsahibə davam edib. Ərdoğan mədəsinə soyuq olduğunu bildirib. Dünən isə o, görüş və səfərlərin ləğv edildiyini açıqlayıb.
