Erməni separatçıları Putinə bir həftə vaxt veriblər

Separatçıların lideri yanında "antiböhran şurasının sədri" Tiqran Petrosyan bildirib ki, Nikol Paşinyan Rusiya Prezidenti Vladimir Putinlə telefon danışıqı zamanı Arayik Arutyunyanın məktubunu ona oxuyub.  Bu məktubda Arutyunyan Putinə Azərbaycanın Qarabağ bölgəsində müvəqqəti yerləşdirilmiş RSK-nın məsuliyyət ərazisindəki vəziyyəti təqdim edib.

Petrosyan həmçinin bildirib ki, o, Rusiya Federal Təhlükəsizlik Xidmətinin rəhbəri Aleksandr Bortnikovla şəxsən danışıb və Azərbaycanın Qarabağ bölgəsindəki vəziyyət barədə danışıb.

Petrosyan Rusiya təhlükəsizlik güclərindəki mənbələrinə istinadən bildirib ki, Putin FTB, Xarici İşlər Nazirliyi və Rusiya Müdafiə Nazirliyinə humanitar məsələ ilə ciddi məşğul olmağı tapşırıb.

Əgər Rusiya bu həftə vəziyyəti dəyişdirə bilməsə, o zaman Petrosyanın fikrincə, separatçılar bu problemin həlli üçün başqa alternativ təklifləri nəzərdən keçirməyə məcbur olacaqlar.

Separatçı "ultimatum"larının qısa tarixçəsi:

27 dekabr 2022-ci il. Separatçılar RSK komandiri Andrey Volkova 48 saat vaxt veriblər. 192 gün keçdi.

28 aprel 2023-cü il. Separatçılar Azərbaycana 7 gün vaxt veriblər. 70 gün keçdi.

5 iyul 2023-cü il. Separatçılar Putinə 7 gün vaxt veriblər. Geri sayım başladı.