Ermənistan Türkiyəyə iki mafiozu təhvil verib

Türkiyə Ermənistanın bu məsələdə əməkdaşlığını yüksək qiymətləndirib

Oxuma müddəti:

1 dəqiqə

Türkiyə XİN: Ermənistan mütəşəkkil cinayətdə ittiham olunan iki şəxsi Türkiyəyə ekstradisiya edib.

Məlumata görə, Türkiyə tərəfdən sorğu İnterpol xətti ilə göndərilib.

“2025-ci il yanvarın 19-da Ermənistan İnterpolun Qırmızı Bildirişi çərçivəsində ölkəmizə mütəşəkkil cinayətkarlıqla məşğul olan iki şəxsi təhvil verib. Türkiyə Ermənistanın bu məsələdə əməkdaşlığını yüksək qiymətləndirir”, - mesajda vurğulanır.

Qeyd edək ki, beynəlxalq həbs qərarına ən yaxın alət olan “Qırmızı bildiriş” ekstradisiya məqsədilə axtarışda olan şəxsin axtarışı və həbsi üçün beynəlxalq bildirişdir.

***

İnterpolun Qırmızı Bildirişinin təqdim etdiyi sorğuya cavab olaraq, Ermənistan 2025-ci il yanvarın 19-da mütəşəkkil cinayətdə iştirak edən iki şəxsi Türkiyəyə ekstradisiya edib. Bu barədə ER Xarici İşlər Nazirliyi məlumat yayıb.

Digər təfərrüatlar açıqlanmayıb.