ANS Press

ANS Press

Nov 27, 2024 - 15:44 Yeniləndi: Nov 27, 2024 - 15:45

FHN avtomobili çayda batan vətəndaşı xilas etdi VİDEO

Hadisə Dəvəçiçaya sel gəlməsi səbəbindən Şabran rayonunun Surra kəndi ərazisində baş verib

  • Oxuma müddəti:

    1 dəqiqə

    • Fövqəladə Hallar Nazirliyinin “112” qaynar telefon xəttinə Şabran rayonu, Surra kəndi ərazisindən keçən çaya sel gəlməsi səbəbindən vətəndaşın köməksiz vəziyyətdə qalması barədə məlumat daxil olub.

    Məlumatla əlaqədar hadisə yerinə dərhal FHN-in Dövlət Yanğından Mühafizə Xidməti Şabran rayon Yanğından Mühafizə Hissəsinin yanğınsöndürən-xilasediciləri cəlb edilib.

    Hadisə yerində əməliyyat şəraiti qiymətləndirilərkən, intensiv yağışlar nəticəsində Dəvəçiçay çayına sel gəlməsi səbəbindən hərəkətdə olan avtomobilin çayda batdığı və vətəndaşın avtomobildə təhlükəli vəziyyətdə qaldığı müəyyən edilib. Yanğınsöndürən-xilasedicilər tərəfindən xüsusi vasitələrin köməyi ilə təhlükəli vəziyyətdə qalan 1966-cı il təvəllüdlü Cəfərov İdayət Nemət oğlu xilas edilib.