ANSTV
ANSÇM
Fordo nüvə obyekti zərbədən əvvəl təxliyə edilibmiş
Bunu İranın İslam Şurası Məclisi sədrinin strateji məsələlər üzrə müşaviri deyib
1 dəqiqədən az
İranın İslam Şurası Məclisi (parlament) sədrinin strateji məsələlər üzrə müşaviri Mehdi Məhəmmədi Fordo nüvə obyektinin ABŞ-ın zərbəsindən əvvəl təxliyə edildiyini açıqlayıb.
Bu barədə müşavir yazıb.
“İran artıq bir neçə gecə idi ki, Fordoya hücum gözləyirdi. Obyekt çoxdan təxliyə edilib və hücum nəticəsində də bərpaedilməz zərər almayıb. İki şey şübhəsizdir: birincisi, biliyi bombalamaq mümkün deyil, ikincisi, avantürist bu dəfə uduzacaq”, – o qeyd edib.
Xatırladaq ki, daha əvvəl Tramp İranın Fordo, Nətənz və İsfahandakı nüvə obyektlərinə uğurlu zərbələr endirildiyini açıqlamışdı.
Daha sonra Qum ostanının administrasiyası “Fordo nüvə obyektinin ərazisinin” hücuma məruz qaldığını etiraf etmişdi.
