Fransada erməni diasporası parçalanır

Erməni mənbələri yazırlar ki, daşnakların monopoliyasına son qoyulur

Oxuma müddəti:

1 dəqiqədən az

Fransada erməni icmasında daşnak monopoliyası məhv edilib.

Fransa Erməni Hərəkatı ölkənin cənubundakı bir sıra erməni təşkilatlarının (CCAF-Sud) Fransa Erməni Təşkilatlarının Koordinasiya Şurasında iştirakını dayandırdığını bildirir. Onlar daşnak Murad Papazyanın rəhbərlik etdiyi CCAF rəhbərliyinin Ermənistan respublikasının hökumətinə qarşı fəaliyyəti ilə razılaşmırlar.

Təşkilatlar qrupunun bəyanatında qeyd olunur ki, Cənubi Qafqazda və Yaxın Şərqdə vəziyyətin gələcək inkişafı ilə bağlı qeyri-müəyyənlik fonunda Ermənistanın Avropa kursunun dəstəyinə və demokratik islahatlara ehtiyacı var, lakin Koordinasiya Şurasındakı daşnaklar bunun əvəzində Ermənistana qarşı, Ermənistan-Fransa münasibətlərinin möhkəmlənməsinə qarşı və Rusiyanın xeyrinə fəaliyyətini davam etdirirlər.

CCAF-Sud-da iştirakın dayandırılması qərarı mayın 8-də qüvvəyə minir.