Futbol üzrə Azərbaycan Kubokunda mövsümün ilk oyunu

15:55

Futbol üzrə Azərbaycan Kubokunda 2024/2025 mövsümünə start verilib.

I təsnifat mərhələsinin ilk oyununda “Şahdağ Qusar” və “Kür-Araz” kollektivləri üz-üzə gəliblər.

Qarşılaşma Qusar klubunun qələbəsi ilə bitib - 3:1.

Beləliklə, "Şahdağ Qusar" II təsnifat mərhələsində "Araz-Naxçıvan"a rəqib olub.

Günün digər görüşündə “Şəfa” və “Saatlı-Araz” komandaları münasibətlərə aydınlıq gətirəcəklər. "ASK Arena"dakı oyun saat 16:30-da başlayacaq.

Qeyd edək ki, I təsnifat mərhələsinin digər matçları 13-14 oktyabrda gerçəkləşəcək.

***

10:00

Bu gün futbol üzrə Azərbaycan Kubokunda yeni mövsümə start veriləcək.

İlk olaraq I təsnifat mərhələsinin iki oyunu baş tutacaq.

II Liqa təmsilçilərindən “Şahdağ Qusar”la “Kür-Araz” üz-üzə gələcəklər. Şamaxı Olimpiya İdman Kompleksinin stadionundakı matç saat 14:00-da start götürəcək.

Günün digər qarşılaşmasında “Şəfa” – “Saatlı-Araz” kollektivləri münasibətlərə aydınlıq gətirəcəklər. "ASK Arena"dakı oyun saat 16:30-da başlayacaq.

Azərbaycan Kuboku

I təsnifat mərhələsi

12 oktyabr

14:00. “Şahdağ Qusar” – “Kür-Araz”

Hakimlər: İslam Məmmədov, Elmin Süleymanov, Mirnihat Seyidov, Rəsul Babayev.

Hakim-inspektor: Ceyhun Haşımov.

Şamaxı Olimpiya İdman Kompleksinin stadionu.

16:30. “Şəfa” – “Saatlı-Araz”

Hakimlər: Rövşən Rəcəbov, Rasim Axundov, Nurlan Əhmədzadə, Maqsud Şamıyev.

Hakim-inspektor: Gülağa Cabarov.

"ASK Arena".

Qeyd edək ki, I təsnifat mərhələsinin digər matçları 13-14 oktyabrda gerçəkləşəcək.