Misli Premyer Liqası: "Sabah" "Səbail"ə qalib gəldi

"Araz-Naxçıvan" isə "Turan Tovuz"a qalib gəlib

Oxuma müddəti:

2 dəqiqə

21:57

Misli Premyer Liqasının XV turunda "Sabah" "Səbail"ə qalib gəlib.

"Bank Respublika Arena"da baş tutan matçda Vasili Berezutskinin rəhbərlik etdiyi kollektiv 1:0 hesablı qələbəyə sevinib.

Yeganə qolu 29-cu dəqiqədə Coy Lens Mikels qonaq komandanın qapısından keçirib.

"Bayquşlar" bu qələbə sayəsində xallarının sayını 22-yə çatdıraraq dördüncü sıraya yüksəlib. "Səbail" isə 8 xalla doqquzuncu sırada qərarlaşıb.

Qeyd edək ki, turun açılış görüşündə "Araz-Naxçıvan" "Səbail"i minimal hesabla üstələyib - 1:0.

***

18:51

Misli Premyer Liqasında XV tura start verilib.

Açılış matçında “Araz-Naxçıvan” “Liv Bona Dea Arena"da “Turan Tovuz”u qəbul edib. Görüş nominal ev sahiblərinin minimal hesablı qələbəsi ilə yekunlaşıb – 1:0. Yeganə qolu 75-ci dəqiqədə Felipe Santos vurub.

Bu qələbə ilə xallarını 36-ya çatdıran Naxçıvan təmsilçisi turnir cədvəlində liderliyə yüksəlib. Tovuz klubu isə 27 xalla 3-cü pillədə qalıb.

Günün son oyununda isə “Sabah” "Bank Respublika Arena"da "Səbail"i sınağa çəkəcək. Qarşılaşmanın baş hakimi Rəvan Həmzəzadə olacaq. Rusiyalı baş məşqçi Vasili Berezutskinin “Sabah”ın sükanı arxasında debüt edəcəyi görüş saat 19:00-da start götürəcək.

Turnir cədvəlində “Sabah” 19 xalla 5-ci, "Səbail" 8 xalla 9-cudur.

Qeyd edək ki, turun digər oyunları noyabrın 30-da və dekabrın 1-də keçiriləcək.

***

10:40

Bu gün Misli Premyer Liqasında XV turun oyunlarına start veriləcək.

İlk oyun günündə iki qarşılaşma keçiriləcək.

Günün ilk matçı “Liv Bona Dea Arena"da "Araz-Naxçıvan" və "Turan Tovuz" komandaları arasında olacaq. Saat 16:00-da başlayacaq görüşü Cavid Cəlilov idarə edəcək. Hazırda Naxçıvan təmsilçisi 33 xalla 2-ci, Tovuz klubu isə 27 xalla 3-cü pillədə qərarlaşıb.

Turnir cədvəlində “Sabah” 19 xalla 5-ci, "Səbail" 8 xalla 9-cudur.

Qeyd edək ki, turun digər oyunları noyabrın 30-da və dekabrın 1-də keçiriləcək.