ANS Press

ANS Press

İyun 12, 2024 - 09:35 Yeniləndi: İyun 12, 2024 - 09:36

XƏBƏRLƏR / Kriminal

Gənc qadının qətlinə görə əri saxlanıldı

Bu barədə Gəncə şəhər prokurorluğundan bildirilib

Gənc qadının qətlinə görə əri saxlanıldı

  • Oxuma müddəti:

    1 dəqiqə

    • İyunun 11-də 2002-ci il təvəllüdlü Kərimova Münəvvər Elxan qızının Göygöl rayonunun Ağsu kəndi ərazisində ölməsi barədə Gəncə şəhər prokurorluğuna məlumat daxil olub.

    Bu barədə Gəncə şəhər prokurorluğundan bildirilib.

    Araşdırmalarla 1992-ci il təvəllüdlü Mustafayev Ceyhun İsrayıl oğlunun qısqanclıq zəminində aralarında yaranmış mübahisə zamanı arvadı Münəvvər Kərimovanı boğaraq öldürməsinə əsaslı şübhələr müəyyən edilib.

    Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır. Hadisədən sonra könüllü olaraq polisə təslim olan Ceyhun Mustafayev prokurorluq tərəfindən şübhəli şəxs qismində tutulub.

    Xatırladaq ki, iyunun 11-də saat 20 radələrində 2002-ci il təvəllüdlü M.Kərimovanın Göygöl rayon ərazisində həyat yoldaşı tərəfindən boğularaq qətlə yetirilməsi barədə polisə məlumat daxil olub.