HƏMAS İsrail əsilli amerikalı əsiri azad edib

İsrail rəsmiləri hələlik bu məlumatı rəsmən təsdiqləməyib

Oxuma müddəti:

1 dəqiqədən az

HƏMAS 7 oktyabr 2023-cü ildən əsirlikdə olan İsrail əsgəri İdan Aleksandrı Qəzza zolağının cənubunda xüsusi razılaşdırılmış görüş yerində Beynəlxalq Qızıl Xaç Komitəsinin nümayəndələrinə təhvil verib.

"Bir müddət əvvəl İzzəddin əl-Qəssam Briqadaları (HƏMAS-ın hərbi qanadı) İsrail və Amerika vətəndaşlığına malik olan girov İdan Aleksandrı azad edib", - Fələstin hərəkatının bəyanatında deyilir.

İsrail rəsmiləri hələlik bu məlumatı rəsmən təsdiqləməyib.

İsrail KİV-lərinin məlumatına görə, əvvəlki hallardan fərqli olaraq, burada heç bir mərasim, mediada işıqlandırma və ya video çəkiliş aparılmayıb - bütün hərəkətlər ABŞ ilə ilkin razılaşmalara uyğun olaraq tam məxfilik şəraitində baş tutub.