"Hesabda geridə olsaq da, əlimizdən gələni edəcəyik"

Oyunun mahiyyəti bəllidir. Bizim üçün çox vacib matçlardan biridir. Hesabda geridə olsaq da, əlimizdən gələni edəcəyik.

Bunu “Qarabağ”ın baş məşqçisi Qurban Qurbanov deyib.

52 yaşlı mütəxəssis Çempionlar Liqasının pley-off mərhələsinin Zaqreb “Dinamo”su ilə sabah keçiriləcək cavab oyununa həsr olunan mətbuat konfransında fikirlərini açıqlayıb:

“Komanda pis hazırlaşmayıb. İnamımız böyükdür. Qalibiyyət üçün əlimizdən gələni etməyə çalışacağıq. Rəqibi tanıyırıq. Ambisiyalı komandadır. Görünür ki, onların üstünlüyü bizdən çoxdur. Sabah yaxşı nəticə əldə etmək üçün hər futbolçu karyerasının ən yaxşı oyununu oynamalıdır. Futbolçularımdan da bunu gözləyirəm".

“Qarabağ”ının müdafiəçisi Bəhlul Mustafazadə Çempionlar Liqasının seçmə mərhələsinin pley-off mərhələsinin sabah Xorvatiya “Dinamo”su (Zaqreb) ilə Bakıda keçirəcəkləri cavab oyunu (ilk oyun – 0:3) ilə bağlı "azerisport"a fikirlərini bildirib.

“Bizi vacib oyun gözləyir. Özümüzü güclü hiss edirik və onların öhdəsindən gələ biləcəyimizi hiss edirik. Davam etmək üçün hər şeyi edəcəyik. Rəqibimizin nə qədər təhlükəli olduğunu bilirik. Müdafiənin tənqidini normal qəbul edirik. Səhvləri düzəltmək üçün onları təhlil etməyə çalışırıq. Tənqid bizə təzyiq göstərmir. Səhvləri düzəltmək lazımdır. Oyundan əvvəl üzərimizdə heç bir təzyiq yoxdur. Hamı sakitdir və qələbəyə inanır”, - deyə Mustafazadə bildirib.

Qeyd edək ki, Tofiq Bəhramov adına Respublika stadionunda keçiriləcək “Qarabağ” – “Dinamo” matçı avqustun 28-də saat 20:45-də başlayacaq.