Həzi Aslanovun 115 illik yubileyinə dair virtual sərgi

General Həzi Aslanovun 115 illik yubileyi haqqında virtual sərgi hazırlanıb.

Virtual sərgi C.Cabbarlı adına Respublika Gənclər Kitabxanıasının rəsmi "YouTube" səhifəsində yerləşdirilib.

Qeyd edək ki, Həzi Aslanov 1910-cu il yanvarın 22-də Lənkəran şəhərində anadan olub. Erkən yaşda atasını itirən Həzi, atasının çalışdığı zavodda işləməyə başlayıb. Uzun zaman sonra hərbi hazırlıq məktəbinə göndərilib və o məktəbin məktəb rota qəzetinin redaktoru olub.

Daha sonra 8-ci çağırış Bakı Sovetinin üzvü seçilib. 1929-cu ildə Leninqrad süvari məktəbinə daxil olub. İki illik təhsildən sonra Kotovski adına 3-cü Bessarabiya süvari diviziyasına vzvod komandiri təyin olunub. Müəyyən zaman çərçivələrində bir çox diviziyalarda komandir və ya komandirin texniki hissə üzrə köməkçisi, hərbi vəzifələrində çalışıb. Həzi Aslanova 1939-cu ildə kapitan, 1940-cı ilin noyabrında isə vaxtından əvvəl mayor rütbəsi verilib.

Böyük Vətən Müharibəsi başlananda Həzi Aslanov Ukraynada Lvov vilayətində xidmət edirdi. 1941-ci ildə alman zirehli qoşunları ilə Həzi Aslanovun batalyonu qeyri-bərabər döyüşə girir. Döyüş zamanı yaralanaraq vəfat edir. Həzi Aslanov Bakıda Şəhidlər Xiyabanında dəfn edilib.

Həzi Aslanov Böyük Vətən Müharibəsi dövründə göstərdiyi şəxsi igidliyinə görə 3 Qırmızı Bayraq ordeni, 2-ci dərəcəli Suvorov ordeni, Aleksandr Nevski ordeni, 1-ci dərəcəli Vətən müharibəsi ordeni, 2 Qırmızı Ulduz ordeni kavaleri və medallarla təltif olunmuşdur.