İğdır sakinləri Ermənistanla sərhədin açılmasını gözləyir

Bu barədə "Iğdır Haber" qəzeti yazır

Oxuma müddəti:

1 dəqiqə

İğdırın siyasi və işgüzar dairələri Ermənistanla Əlican (Marqara-erm.) sərhəd keçid məntəqəsinin davam edən açılışı ilə bağlı bir araya gəlir - "Iğdır Haber"

İğdır Respublika Xalq Partiyası (CHP) təşkilatı keçid məntəqəsinin açılışından sonra başlayacaq turist axınına yönəlmiş hərtərəfli fəaliyyət planı hazırlayaraq İğdır Ticarət və Sənaye Palatasına (ITSO) təqdim edib.

Bölgənin iqtisadi bərpası üçün strateji əhəmiyyət kəsb edən Əlican keçid məntəqəsinin açılışı ilə bağlı mühüm bir hesabat hazırlanıb. Hesabatda Ermənistandan gələn turistlərin qarşılanması, xidmət standartlarının yüksəldilməsi və logistika infrastrukturunun hazırlanması ilə bağlı məsələlərə toxunulub.

İğdır Ticarət və Sənaye Palatasının (ITSO) sədri Kamil Arslan hesabatı alqışlayıb və Palatanın öz öhdəliklərini yerinə yetirəcəyini bildirib:
Gələcək turistlər üçün bütün imkanları təmin etmək üçün çalışacağıq. Sahibkarlarımızın bu prosesə hazır olmasını və kifayət qədər məsuliyyətli olmasını təmin etmək üçün informasiya kampaniyalarımızı xüsusilə gücləndiririk.