İran ABŞ-a heç bir zənginləşdirilmiş material göndərməyəcək

Bunu İran xarici işlər nazirinin müavini Səid Xətibzadə deyib

Oxuma müddəti:

1 dəqiqədən az

İran ABŞ-a heç bir zənginləşdirilmiş material göndərmək niyyətində deyil və bu məsələ müzakirə mövzusu deyil.

İran xarici işlər nazirinin müavini Səid Xətibzadə bunu Antalyada keçirilən Beşinci Diplomatik Forumun kənarında Associated Press agentliyinə verdiyi müsahibədə bildirib.

Onun sözlərinə görə, İran və ABŞ arasında çoxsaylı mesajlar mübadiləsi aparılıb, lakin Vaşinqton Tehranın həddindən artıq hesab etdiyi tələblərdə israr edir.

"Biz hələ real görüşə hazır deyilik", - deyə o əlavə edib.