ANS Press

ANS Press

Oct 7, 2024 - 00:45 Yeniləndi: Oct 7, 2024 - 10:44

XƏBƏRLƏR / Qonşular

İranda hava limanlarının fəaliyyəti bərpa olunub

Bu barədə İran mənbələri məlumat yayıb

İranda hava limanlarının fəaliyyəti bərpa olunub

  • Oxuma müddəti:

    1 dəqiqə

    • 00:45

    İranda oktyabrın 7-si səhərə qədər hava nəqliyyatına qoyulan məhdudiyyətlər aradan qaldırılıb

    Bu barədə İslam Respublikası Mülki Aviasiya Təşkilatının nümayəndəsi Cəfər Yazarlu məlumat verib.

    “Əməliyyat maneələrinin aradan qaldırılması ilə əlaqədar olaraq, bu gün saat 23:00-dan uçuşlar üzrə əvvəlcədən elan edilmiş məhdudiyyətlər ləğv edilib”, - deyə o bildirib.

    Qeyd edək ki, Mülki Aviasiya Təşkilatı İranın bazar günü saat 20:30-dan bazar ertəsi səhər saat 5:30-a qədər bütün uçuşları ləğv etdiyi ilə bağlı məlumat yaymışdı.

    ***

    06.10.2024-cü il

    23:02

    İran oktyabrın 7-si səhərə qədər bütün hava limanlarından uçuşları ləğv edib.

    Bu barədə İran mənbələri məlumat yayıb.

    İranın Mülki Aviasiya Təşkilatının qərarı ilə uçuşlar oktyabrın 6-sı Bakı vaxtı ilə saat 21:30-dan oktyabrın 7-si saat 06:30-a kimi ləğv olunub.

    Qərara səbəb əməliyyat məhdudiyyətləridir.

    Xatırladaq ki, oktyabrın 1-i İran İsrailə raket zərbələri endirdikdən sonra uçuşlara müvəqqəti məhdudiyyətlər tətbiq etmişdi. Oktyabrın 2-də daha bir gün qadağa uzadılıb.