İran raketlərini buraxılış qurğularına yükləyib

Bu barədə İranın “Tehran Times” qəzeti yazır

Oxuma müddəti:

1 dəqiqə

İran bütün ərazisində raketlər buraxılış qurğularına yüklənib və ABŞ eskalasiyası edəcəyi halda atəş açmağa hazırdır.

Bu barədə İranın “Tehran Taimes” qəzeti yazır.

Atəşə hazır raketlərin əhəmiyyətli bir hissəsi hava hücumlarına tab gətirmək üçün nəzərdə tutulmuş ölkə daxilində səpələnmiş yeraltı qurğularda yerləşir.

Yanvarda inauqurasiyadan sonra Tramp dəfələrlə bəyan edib ki, İran onun istədiyi güzəştə getməsə, ölkəni bombalayacaq. Hesabatlar göstərir ki, bu güzəştlərə onun nüvə proqramının tamamilə ləğvi, Müqavimət qrupları ilə əlaqələri, raket və dron proqramının aspektləri daxildir.

İranlılar hazırkı şəraitdə ABŞ-la danışıqlardan imtina edərək, istənilən təcavüzə qəti şəkildə cavab verməyə hazır olduqlarını bəyan ediblər.

"NBC News" daha əvvəl xəbər vermişdi ki, Tramp İranın yeni nüvə sazişi ilə razılaşmadığı təqdirdə respublikaya "heç vaxt görmədikləri" partlayışları vəd edib.