İran rejimində parçalanma əlamətləri var

"İran İnternational" mənbələrə istinadən xəbər verir ki, İran rejimində bir parçalanma əlamətləri var.

Nəşrin məlumatına görə, İran prezidenti Məsud Pezeşkian və SEPAH komandanı Əhməd Vahidi müharibənin necə bitəcəyi və ölkə iqtisadiyyatına necə təsir edəcəyi ilə bağlı "dərin fikir ayrılığı"ndadırlar.

SEPAH komandanı Əhməd Vahidi

Pezeşkian SEPAH-ın yanaşmasını tənqid edərək, daha da gərginləşmənin iqtisadi nəticələrə səbəb olacağını iddia edir.

İran prezidenti bildirib ki, "Atəşkəs olmadan İran iqtisadiyyatı üç həftədən bir aya qədər çökə bilər".

Tənqidlərə cavab olaraq SEPAH komandanı mövcud vəziyyəti münaqişə başlamazdan əvvəl hökumətin struktur islahatlarını həyata keçirməməsi ilə əlaqələndirib.

“Iran International” qeyd edir ki, müharibə beşinci həftəsinə qədəm qoyur və onun iqtisadi nəticələri getdikcə daha aydın görünür: İran şəhərlərində bir çox bankomatlarda nağd pul qurtarıb, işləmir və ya fiziki olaraq əlçatmazdır, “Bank Melli” də daxil olmaqla bir neçə böyük bankda onlayn bank xidmətləri vaxtaşırı kəsilir. Hökumət rəsmiləri nəşrə bildiriblər ki, son üç ay ərzində xeyli sayda işçi əmək haqqı və ya müavinət almayıb.

Müharibə başlamazdan əvvəl fevral ayında İranda əsas mallar üzrə orta inflyasiya üç rəqəmli rəqəmə çatıb və 105% ilə 115% arasında qiymətləndirilib.