ANS Press

ANS Press

Jan 29, 2024 - 15:16 Yeniləndi: Jan 29, 2024 - 16:04

XƏBƏRLƏR / Kriminal

İrana işləyən ilahiyyatçı Hacı Əli Əliyevə 15 il iş verildi

Əliyev 2007-ci ildə Qum şəhərində İranın xüsusi xidmət orqanları ilə əməkdaşlığa başlayıb

İrana işləyən ilahiyyatçı Hacı Əli Əliyevə 15 il iş verildi
Hacı Əli Əliyevin (Behişti)

  • Oxuma müddəti:

    1 dəqiqə

    • Bakı Ağır Cinayətlər Məhkəməsində dövlətə xəyanətdə təqsirləndirilən ilahiyyatçı Hacı Əli Əliyevin (Behişti) cinayət işi üzrə məhkəmə prosesi başa çatıb.

    Yanvarın 29-da, bazar ertəsi hakim Azər Tağıyevin sədrliyi ilə keçirilən iclasda hökm oxunub. Məhkəmənin hökmü ilə Ə.Əliyev 15 il müddətinə azadlıqdan məhrum edilib.

    Xatırladaq ki, Əli Əliyev 2023-cü ilin aprelində hüquq-mühafizə orqanları tərəfindən həyata keçirilən tədbirlər zamanı saxlanılıb. O, Azərbaycan Cinayət Məcəlləsinin 274-cü (dövlətə xəyanət) maddəsi ilə ittiham olunub. Onun yaşadığı evə baxış zamanı xarici xüsusi xidmət orqanları ilə əlaqəsini təsdiq edən müxtəlif sənədlər aşkar edilərək götürülüb.

    İttihama görə, Hacı Əli Əliyev 2007-ci ildə Qum şəhərində İranın xüsusi xidmət orqanları ilə əlaqəsi olan müəyyən “Əkbər”lə əməkdaşlığa başlayıb. Ə.Əliyev 2007-2014-cü illərdə Binə, Maştağa və Nardaran kəndlərindəki məscidlərdə olub, İrana rəğbət bəsləyən insanlar haqqında məlumat toplayıb.